മരം വെട്ടും മണ്ണു മാന്തലും

പൂനയിൽ ഒരു ഗ്രാമം മണ്ണിനടിയിലായി,   മണ്ണിനെ സ്നേഹിച്ച കുറെ മനുഷ്യരും.    മരം വെട്ടുന്നതുകൊണ്ടും  മണ്ണു മാന്തുന്നതും കൊണ്ടാണ് മണ്ണിടിച്ചിൽ ഉണ്ടായതു എന്ന് ബുദ്ധിയുള്ളവർ  പറയുന്നു.  

അടുപ്പിൽ തീ പൂട്ടാൻ മരച്ചില്ല ഒടിക്കുന്നതു കൊണ്ടോ ചെടിയുടെ കടയ്ക്കിടാൻ മണ്ണെടുത്തതു കൊണ്ടോ അല്ല  മണ്ണിടിഞ്ഞത് എന്ന് എല്ലാവർക്കും  അറിയാം .
മരവും മണ്ണും  മൊത്തമായി വിഴുങ്ങിയവർ നോട്ടുകൾ കൊണ്ടു കണ്ണീർ ഒപ്പുന്നുണ്ടാവും,  അവരുടെ ദേഹത്തു ഒരു തരി മണ്ണു പോലും വീണില്ലല്ലൊ . 
കടയോടെ മരം പിഴുതുമാറ്റുന്നതും കുന്നു കുഴിയാക്കുന്നതും കാണാതെ പോയ അധികാരി വർഗ്ഗം,   കണ്ണുണ്ടായിട്ടും കാഴ്ച്ച വേണ്ടാ എന്ന് കരുതുന്നവർ .....