ചുംബന സമരക്കാർക്ക്,

'ചുംബന  സമരം '    ഇന്ന് കഴിയും  നാളെ  കഴിയും  എന്ന്  കരുതിയിരിക്കുക  ആയിരുന്നു.   ഇത്  തീരാത്ത  ഒരു പ്രശ്നമാണൊ ?   അതോ ഒരു തുടക്കം മാത്രമോ ?    'സദാചാര പോലിസിനെ'   എതിർ ക്കാനോ   അതോ  മറ്റു വല്ല ഉദ്ദേശവും ഇതിനുണ്ടോ ?   

അമ്മു  താമസിക്കുന്ന നഗരത്തിൽ  ഇത് ഒരു വിഷയമല്ല.  ശരീരത്തിന്റെ  പല വിധ ആവശ്യങ്ങൾ  നിറവേറ്റു ന്നവരെ  നഗരത്തിന്റെ  ചില  പ്രത്യേക  ഭാഗങ്ങളിൽ  കാണാം .   സ്നേഹം  കവിഞ്ഞൊഴുകുന്നതു  കൊണ്ടല്ല  ഇതെന്ന്  എല്ലാവര്ക്കും  അറിയാം .  ഒരിടം  സ്വന്തമായി ഇല്ലാത്തവരും  , വിലയ്ക്ക്  വാങ്ങുന്ന  സ്നേഹം  വീടു വരെ എത്തിക്കാൻ പറ്റാത്തത് കൊണ്ടും  , പക്വതയില്ലാത്ത  പ്രായത്തിൽ  പരീക്ഷണത്തിനു  ഇറങിയവരുമാണു  ഈകൂട്ടത്തിൽ  കൂടുതൽ.   കണ്ടാസ്വദിക്കുന്നവരും  ഒഴിഞ്ഞുമാറി  പോകുന്നവരും  വഴിപോക്കരിൽ ഉണ്ട്.    എന്നാൽ  സമരം ചെയ്യുന്നവരേയും ശി ക്ഷ വിധിക്കുന്നവരേയും  കാണാൻ കഴിഞ്ഞിട്ടില്ല.    സമയമില്ല,   വളരെ തിരക്കാണ്.

നമ്മുടെ  കിടപ്പുമുറി കൾ ക്കും    പ്രാഥമിക ആവശ്യങ്ങൾ  നിറവേറ്റുന്ന  മുറികളുടേയും  വാതിലുകൾ  ഒഴിവാക്കണം  എന്ന് പറഞ്ഞു സമരം ചെയ്യില്ല എന്ന് കരുതട്ടെ ?

   എന്ന് ,

സ്നേഹപൂർവ്വം 

നാടോടുമ്പോൾ  നടുവെ ഓടാൻ അറിയാത്ത  ഒരുവൾ.